Беларускі дом правоў чалавека імя Б. Звозскава арганізуе трэнінг, які ўпершую чаргу разлічаны на тых, хто плануе падаваць заяўкі ў межах конкурсу на падтрымку праектаў у галіне правоў чалавека і дэмакратычных каштоўнасцяў. Але заяўкі будуць прымацца і ад іншых ініцыятыў і арганізацый, у якіх недастатковы досвед у галіне праектнага менеджмента і фандрэйзінга.
У рамках трэнінга ўдзельнікі і ўдзельніцы змогуць:
- азнаёміцца з правіламі складання якаснай праектнай заяўкі;
- атрымаць растлумачэнне адносна важных дэталяў пры складанні праектнай заяўкі;
- набыць навыкі складання праектнай заяўкі і бюджэта, асноўных прынцыпаў справаздачнасці;
- атрымаць каштоўныя каментары і парады з боку экспертаў і экспертак наконт пераўтварэння ўласнай ідэі ў жыццяздольны праект і пошуку партнёраў.
Як трапіць на трэнінг?
Адбор удзельнікаў i ўдзельніц будзе праходзіць на конкурснай аснове. Жадаючым прыняць удзел трэба запоўніць анлайн-анкету не пазней 3 снежня. Трэнінг будзе праходзиць з 20 па 22 снежня. Дадатковую інфармацыю пра трэнінг можна знайсці тут.
Источник: Просветительское учреждение «Офис европейской экспертизы и коммуникации»
Comment